Республикада Россияның эртем хүнүнге тураскааткан ай эртип турар болгаш, февраль төнчүзүнге чедир уламчылаар. Тываның эртем албан черлеринге 80 ажыг хемчегни эрттирери планнаттынган.
Февральдың 8-те Улусчу чогаадылга бажыңынга Россияның эртем хүнүнге тураскааткан байырлыг хурал – айның кол болуушкуну. 2023 чылда Тываның Баштыңының грантызы дээш мөөрейниң база 2022-2023 чылдарда Россияның эртем фондузунуң регионалдыг мөөрейиниң тиилекчилери – эртем албан черлериниң чедиишкиннериниң делгелгелери база аныяк эртемденнерниң шинчилел ажылдарының түңнелдери киржикчилерниң кичээнгейин хаара тудар.
Бөгүн Тывада чеди эртем болгаш эртем-өөредилге организациялары ажылдап турар. Оларның үжү федералдыг: Россияның Эртемнер академиязының Сибирь салбырының Тываның бойдус курлавырларын комплекстиг хөгжүдер талазы-биле институду, Россияның Эртемнер академиязының Сибирь федералдыг агробиотехнология эртем төвүнүң салбыры – Тываның көдээ ажыл-агый эртем-шинчилел институду база Тываның күрүне университеди.
Регионалдыг дөрт организация бар: Тываның Чазааның чанында Тываның гуманитарлыг болгаш тускай социал-экономиктиг шинчилелдер институду, Биосферлиг шинчилелдер төвү, Национал школаны хөгжүдер институт, ТР-ниң эмчи-социал айтырыглар болгаш эргелеп-башкарылга эртем-шинчилел институду.
Оон аңгыда, Тываның Национал архиви, Алдан-Маадыр аттыг национал музей, Тыва үндезин культура болгаш ус-шеверлер хөгжүдер төп, “Убса-Нур ыйгылаажы” база “Азас” күрүнениң бойдус камгалалдыг черлер, Тываның А. С. Пушкин аттыг национал ном саңы база «Хөөмей» делегей академиязы эртем ажылдарын чорудуп турар.
В Туве стартовал проект «Народная программа 2.0: от наказов – к реальным делам»
26 марта Глава Тувы, секретарь регионального отделения «Единой России» Владислав Ховалыг провел организационное совещание, на котором дал старт серии выездных круглых столов «Народная программа 2.0: …
