Тывада спорт объектилериниң үндезин септелгези уламчылап турар

Бо чылын ТР-ниң Спорт яамызы «Тыва Республикага күш-культура болгаш спортту хөгжүдери» күрүне программазының езугаар спорт тудугларын чаартырынга 15 сая рубльди тускайлаан. Ол акша-хөреңгини республикада 11 спорт объектизининиң үндезин септелгезинче угландырган.

Спорт яамызының дыңнатканы-биле алырга, яамыга хамааржыр албан черлериниң ажылдакчыларының күжү-блие септелге ажылдарын чорудуп турар. Ол чүгле чарыгдалдарны эвээжедир эвес, а септелге чорудуун база дүргедедир, чүге дизе ажылдакчылар ажылдың онзагайларын эки билир.

Амгы үеде дараазында чеди албан черинде септелге ажылдары доозулган:
- Эрзин кожууннуң спорт школазында дээвиирин солаан;
- Каа-Хем кожууннуң спорт школазында батареяларны болгаш чылыдылга хоорзаларын солаан;
- Олимпийжи курлавыр спортчу школазында электри хандырылгазының системазын, шалаларны, сантехниканы солуп, ол ышкаш дээвиирлерни болгаш ханаларны чараштап шыпкан;
- «Юность» спорт-кадыкшылга лагеринге вентиляция системазын салып, электри удазынын, соңгаларны, эжик кастыктарын солуп, ол ышкаш суг хандырылга системазын катап тургузуп, херимнерни база видеохайгаарал системаларын салган;
– Өвүр, Сүт-Хөл, Бай-Тайга кожууннарның спорт школаларында чылыдылга котелдарын солаан.

Ол ышкаш дөрт объектиде: Мөңгүн-Тайга кожууннуң спорт школазында, Чадаанада Ч.А. Монгуш аттыг олимпийжи курлавыр спорт школазында, Спорттуң национал хевирлерин хөгжүдер төпте база Тыва Республиканың чыынды командаларының спортчу белеткел төвүнда ажылдар уламчылап турар. Ол объектилерде ажылдарның хөй кезии доозулган.