Чаа-Хөл кожуунга Россияның Маадыры, «Тываның маадырлары» кадрлар программаның киржикчизи, «Чаңгыс демниг Россия» партияның баш удур бадылаашкынче кирген кандидат Буян Кууларның киржилгези-биле «Улусчу программа 2.0: чагыглардан – боттуг ажыл-херектерже» төлевилелче саналдар киирер «төгерик стол» болуп эрткен.
«Чаңгыс демниг Россия» партияның депутаттары Анджела Канчыыр-оол, Ульяна Монгуш, тус черниң хөй-ниити организацияларындан идепкейжилер болгаш удуртукчулар, тускай шериг операциязының киржикчилериниң өг-бүле кежигүннери хуралга киришкен.
«Россияның Маадыры Буян Куулар чаа-хөлчүлер-биле ужуражып, санал-оналдарын, чагыгларын дыңнап, айтырыгларынга харыылады. «Чаңгыс демниг Россия» партияның Тывада регионалдыг салбырының Улусчу программазынче чурттакчы чоннуң амыдырал-чуртталгазын экижидер талазы-биле чыгдынган чагыгларны, дилеглерни шуптузун киирер» – деп, Анджела Канчыыр-оол чугаалаан.
Чаа-хөлчүлерден саналдар хөй болган. Кызыл-Даг сумузундан Алексей Ойбаа «Сайзанак» уруглар садынга үндезин септелге негеттинип турарын дыңнаткан. Ол ышкаш сугтат шөлү эргилээнинден долу күчүзү-биле ажылдавайн турарын демдеглеп, ук айтырыгны шиитпирлээр аргаларны тыварын дилээн.
Спорт школазының директору Мерген Монгуш уругларга айыыл чок аргыжар байдалды тургузарынга автотранспорт херек дээрзин дыңнаткан.
Кожууннуң улуг салгалы хоочуннар бажыңын, аныяк гвардейжилер амгы үениң Аныяктар төвун тудар саналдарны киирген. Ол ышкаш суг арыглаар черни тудар, “Водоканал” ажыл-агыйының үндезин септелгезин кылыр аргаларны өөренип көөрүн дилээн.
Чаа-Хөлде «Улусчу программа 2.0: чагыглардан – боттуг ажыл-херектерже» төлевилел улуг-даа, аныяк-даа салгалды каттыштырган.
Ооң мурнунда «Улусчу программа партияның ажылының үндезини, ажыл-херекче дорт удуртулга болдуруп келгенин болгаш ам-даа болуп артарын» – «Чаңгыс демниг Россия» партияның регион салбырының секретары, Тываның Баштыңы Владислав Ховалыг демдеглээнин сагындыраал.
Чыгдынган шупту чагыглар улусчу программаны хевирлээр, а ооң соонда партийжи болгаш национал төлевилелдерниң үндезинин тургузар.
Соңгукчуларның санал-оналынга даянып, кандидаттарны шилиири-биле баш бурунгаар бадылаашкынны чорудар. РФ-тиң 21 хардан өрү назылыг, шииттирип чорбаан болгаш даштыкыда саң-хөө херекселдери чок хамаатыларны киириштирер. Партияның кежигүннери, партийжи эвес кижилер-даа, ТШО-нуң киржикчилери болгаш волонтерлар-даа киржип болур.
Чадалары:
* Март 11-ден апрель 30-ге чедир кандидаттарны идип үндүрер.
* Апрель 20-ден май 29-ка чедир соңгукчуларны бүрүткээр.
* Май 25-тен 31-ге чедир pg.er.ru. сайтка электроннуг хевирге бадылаашкынны эрттирер.
Тыва Республикада “Чаңгыс Демниг Россия” партияның тырттырган чуруктары