ЧОГААДЫГЛАР МӨӨРЕЙИН ТҮҢНЭЭН

    0
    15

    Арыг-Бажы сумузунуң школачылары январь айда чарлаттынган чогаадыглар мөөрейинге чедиишкинниг киришкен. Олар, боттарының чаңгыс чер-чуртуу болур – Мөңгүн-оол Соңгукчуевич Бора-Тарааның дугайында сөскүр болгаш байлак ажылдарны бижип, башкыларны кайгаткан.
    Мөңгүн-оол Бора-Тараа – ОМОН отрядының ажылдакчызы чораан. Ол 2001 чылда Соңгу Кавказтын девискээринге болуп турган тускай операцияга киржип тургаш чок болган.
    «Мээн маадырым – Бора-Тараа Мөңгүн-оол кожа кудумучуга чурттап чораан. Хүндүлүг акым мөге, спортчу болгаш боду дузааргак, топтуг, томаанныг чораанын ада-ием, башкыларым чугаалаар» – деп, мөөрейниң тиилекчизи, 11-ги класс­чы Саи­да Чаш-оол бижип турар.
    Ийиги черниң тиилекчизи – 6-гы класстың өөреникчизи Айыжы Сендажы, Росгвардияның ОМОН ажылдакчызын үлегер-чижек кылдыр ап, келир үезинде база эрге-хоойлунуң камгалакчызы болурун бижээн.
    Үшкү черни 9-ку классчы Динара Балданай алган.
    Авторнуң тускай көрүжү, тывызыы дээш ийи өөреникчилерни болгаш тиилекчилерге ОМОН отрядының ажылдакчылары байырын чедирип, шаңналдарны тывыскан.

    Виктория Тас-оол, Росгвардияның ТР-да эргелелиниң парлалга албанының удуртукчузу.

    (Материалды март 10-нуң дугаары 10 «Сылдысчыгаш» солунундан номчуп ап болур силер).

    #РосгвардияТыва
    #СылдысчыгашСолуну
    #СолунСылдысчыгаш

    Реклама