ЧОГААДЫКЧЫ АЖЫЛДАР МӨӨРЕЙИ

    0
    28

    Тожу кожууннуң төп уруглар библиотеказынга кожууннуң Өг-бүлеге болгаш уругларга социал дуза көргүзер төвү-биле кады сырый ажылдап, хемчеглер эрттирери чаңчыл болган.
    Оларның бирээзи бүгү делегейниң Инвалидтер хүнүнге тураскаат­кан «Пластилинден хуулгаазыннар ортулуу» деп уругларга чогаадыкчы ажылдар мөөрейи болган. Мөөрейниң онаал­газын күүседири амыр эвес-даа болза, уруглар боттарының тура-соруун көргүзүп, бергелерни ажып шыдаарын бадыткаан. Уругларның амыдыралга идепкейжи туружу, хөй-ниити ажылынга киржилгези, боттарының чогаадыкчы, тывынгыр чоруун көргүскени хүндүткелди оттурган.
    Кадыкшылының байдалы-биле харык-шинээ кызыгаарлыг уругларга бис бергелерге торулбайн, мурнунда салып алган сорулгазын чедип алырын база ону долгандыр турар улуска дузалажырынга белен болурун күзээр-дир бис.

    Саяна Ооржак, Тожу кожууннуң төп уруглар библиотеказының эргелекчизи.
    Фоточуруктар авторнуу.

    Реклама