Чылдың тергиин эки турачызын база эң тергиин аныяктарның хөй-ниити организациязын илереткен

    0
    21
    Чылдың тергиин эки турачызын база эң тергиин аныяктарның хөй-ниити организациязын илереткен

    Дүүн Туризм Бажыңынга 2019 чылдың эң тергиин аныяктарның хөй-ниити организациязын илередири-биле мөөрей эрткен. Ону Кызыл хоорайның Культура, спорт, аныяктар херээниң талазы-юиле департаментизи база «ТР-ниң студентилер эвилели» организастаан. Аңаа ниитизи-биле 12 аныяктарның хөй-ниити организациялары киришкен.
    Ооң-биле чергелештир «Чылдың волонтёру» деп хоорай чергелиг мөөрей база эрткен. Бо мөөрейге 17 эки турачы чагыгны киирген-даа болза, чүгле 12 кижи киришкен.
    Киржикчилер бүдүн чыл дургузунда хөй-ниити ажылдарынга киришкенин тодаргайы-биле таныштырган. Янзы-бүрү хемчеглерниң, акцияларның түңнелдерин чугаалаан. Эки турачылар эвилең-ээлдек, чымчак байдалга ужуражылганы эрттиргеннер.
    Мөөрейниң түңнелин республиканың Аныяктар балынга чарлаарын сагындыраал.

    Аныяктар балы бо чылын декабрь 19-та «Столичный» ресторанның гранд-холлунга 17.00 шакта эгелээр. Бо байырлыг хемчег аныяктар ортузунда идепкейжилерни, эки турачыларны, хөй-ниити организацияларын деткиир чылдың түңнел культурлуг оюн-тоглаазы болур.

    Мира КОНГУЛ-ООЛ

    Реклама