COVID-19

    0
    9

    Вирус дээрге кижи­ниң караанга кө­зүл­бес, дыка бичии па­­­ра­зиттер. Паразит боду өлүмзүргей бол­­­­гаш чаас­­­­­каан өзүп-көвүдеп шыда­вас. Ынчалза-даа ол өс­­­ке организмче ки­ре бергеш, кижиниң камгалакчы клеткала­рын аңаа ажылдап бээринче албадаптар. Ынчан кижиниң клеткалары хөй бичии­-бичии заводтар апаргаш, ол вирусту майыктап кылып эгелээр.
    Вирустар аңгы-аңгы болур. Хевирлериниң аайы-биле өг-бүлелерге чарлып алган чоруур. Оларның бир бөлүү – коронавирус.
    Бир эвес хөй катап улгаттырып турар ми­к­­­­­­рос­коп-биле көөр болза, вирустуң кырында оваадайга (коронага) дөмей тускай теннер көстүп турар. Ону барымдаалааш «коронавирус» деп адаан.
    Чүге онза айыылдыгыл?
    • Ол кончуг белени-биле тараар. Бир аарыг кижи дораазы-биле үш кижиге халдадып болур.
    • Вирус агаар таварыштыр дамчып болур. Кижиниң караанга көзүлбес бичии дамдыларда вирус чоруур. Ол дамдылар аарыг кижи азырып, чөдүрүптерге, чараазы-биле аастан үнер. Аарыг кижи аскын холу-биле дуй тудуп алгаш, чөдүрүп, азырыпкаш, ол холу-биле бир чүвеге дээптерге, ооң кырынга чараазы-биле вирус артып каар.
    • Коронавирустуң тургузуу кижиге эки салдарлыг вирустарга дөмейлешкек. Организм багай вирус келгенин дораан тодарадып шыдавайн, ооң-биле туржурун бодавайн баар. Ынчангаш бистиң камгалакчы иммунитедивис үе-шаанда ажылдавайн баар чылдагааны ол.
    Оон канчаар камгаланырыл?
    • Холуң кезээде экидир саваңнап чуг. Бир эвес холуңга вирус турган болза, саваңнап эки чуп каапканыңдан, аарыг сээң организмиңче кирип шыдавайн баар. Чугбаан хирлиг холуң-биле арныңга дегбе.
    • Азырып, чөдүрерде, аскыңны шенээң-биле дуглап азы чаңгыс удаа ажыглаар хол чүлгүүжүн ажыглааш, дораан октавыт.
    • Аргалыг-ла болза, бажыңыңдан үнме, хөй-ниити черлеринче барба.
    • Бажыңдан үнер чугула херектиг апарзыңза, өске кижилерден 1,5-2 метр ыракка чор. Ол хире хемчээлден аарыг чыпшынмас.
    Камгалал масканы, чаңгыс удаа ажыглалдың хол хавын кедер.

    КАДЫК БОЛУҢАР!

    #СылдысчыгашСолуну #Солун_Сылдысчыгаш

    Реклама