КЫРГАН-АЧАВЫС ЧАГЫЫ

    0
    19

    «Аныяанда дайындан ээп келбээн
    Акың бар» — деп, авам, ачам чугаалааннар.
    Чаңгыс борбак артып калган фото-чуруун
    Чаза топтап камныы кончуг көөр чордум.
    Кайгал, эрес карактарлыг акым менче
    Каттыраңнап көрүп алган орар боор-дур.
    Чаңгыс-даа көрүп көрбээн акым мени
    Чассыдыксап эргелеткен ышкаш боор-дур.
    Эки турачы тываларның аразында
    Эртине Агбаан дээр акым ады ол-дур.
    Эрес-дидим Украинаны хостап тургаш,
    Эглип келбээн, маадыр ында бажын салган.
    Угу-дөзү Иргиттерниң маадыр оглун
    Утпайн, сактып чоруңар, оолдарым!» – деп,
    Кырган-ачам фото-чуруун шала муңгак,
    Камныы кончуг ханадыва азып кагды.
    Кырган-ачам чагыг-сөзүн утпайн чор бис,
    Кым-даа сактып, маадыр дээш чоргаарланып,
    Тиилелгениң майның тоста тураскаалга
    Дириг кызыл чечектерни сөңнеп чор бис.

    Тензин Биче-оол, Кызыл-Даг ортумак школазының 8-ки классчызы.

    (Материалды март 24-түң дугаары 12 «Сылдысчыгаш» солунундан номчуп ап болур силер).

    #Победа75 #Победа75_Тыва
    #СылдысчыгашСолуну
    #СолунСылдысчыгаш

    Реклама