Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Кызыл
01 декабря, чт
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

2000 батарейни чыгган

19 января 2021
21



✍🏻Тываның Арга-арыг камгалаар төвү «Батарейни дужаагаш, бойдусту камгала!» деп акцияның түңнелдерин үндүрген.

2020 чылда бо акцияны эрттирип, химиктиг ток бээр ажыглаттынмайн турар батарейлерниң чыып турган. Россияның арга-арыг камгалалының Тывада салбырының специалистери чыгдынган батарейлерни деңзилеп көөрге, 16 кил болган.

Ажыглап каапкан эрги батарейлер бойдуска дыка улуг хораны чедирип болур. Айыылдыг боктарны аңгы болбаазырадыр ужурлуг. Бо акцияны ындыг угланыышкын-биле эрттирип турган.

Ниити күжениишкиннер-биле 2000 батарейни чыгган. Бир эвес 2000 муң эрги батарейни аңгы узуткап болбаазыратпайн, анаа бок кылдыр октаптар болза, ол 800000 литр сугну хораннап, 4000 ыяшты иридип, 567 чараа-чеченни, 1127 дедир-даванны, 567000 курттарны өлүрүп болур.

Республиканың чону бо чаа акцияның ужур-утказын медереп билгеш, эрги батарейлерни неделя санында пунктуга дужаап турган. Боттарының төрелдерин, кожаларын бо акциягы киржир кылдыр хаара тудуп, батарей чыыр тускай контейнерлерни бажыңнарынга кылып алганнар.

Акцияның ачызында «#ЭкоШкола» деп республиканың экологтуг төлевилели эгелээн. Россияның арга-арыг камгалалының Тывада салбыры – Арга-арыг камгалалының төвү организакчызы болур.

Төлевилелдиң сорулгазы – Тываны амгы үениң шынарлыг амыдыралының үлегеринге дүгжүр, бойдус болгаш экология дээш сагыш човап, ону камгалап чоруур регион кылдыр сайзырадыры, бок болбаазырадырының чадазын бедидери, чон болгаш бизнес долгандыр турар агаар-бойдусту медерелдии-биле камнап билир болурун хевирлээри.

Кызыл хоорайның школаларынга эрги батарейлер чыыр пунктуларны «#ЭкоШкола» төлевилелдиң кызыгаары-биле тургузар. Чыгдынган батарейлерниң шуптузун Челябинск хоорайже чорудар. Аңаа ону бойдуска хора чок, харын-даа кижилерге ажыктыг кылдыр катап болбаазырадыр.

Ниитизи-биле чоннуң бойдус камналгазынга хамаарылгазы бедик дээрзин арга-арыг камгалаар специалистер демдеглеп турар.

#Экология #Арга_арыгкамгалаартөп #ЭкоШкола #Бойдускамгалалы #ТМГмедээлер #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews