Кызыл хоорайның чоогунда солагай талакы дачаларда садчыларның коммерциялыг эвес № 6 ниитилели, ооң кежигүннериниң хөй кезииниң санап турары-биле алырга, эки ажылдыг ниитилел. Ооң бир херечизи – электри чырыы-биле дачаларны хандырарында үзүктелиишкиннерниң сөөлгү чылдарда чогу. Садчыларның коммерциялыг эвес № 6 ниитилелинге 1970 чылдарда шөйген, барык чартык чүс чыл дургузунда эргижирээн электри шугумунуң чаартылгазын эрткен 2019 чылда бүрүнү-биле дооскан. Электри-биле үзүктел чок хандырылга дээрге чайгы үеде дачаларга ногаа, кат-чимис аймаан тарып өстүреринге кол чүүл-дүр.
Ниитилелдиң баштаар чериниң даргазы Маадыр Оюннуң чугаазы-биле алырга, № 6 ниитилелде чер участоктарының ээлериниң хөй кезии картофельди чылдың чайын-на албан тарып өстүрүп турар.
– “Социал картофель” деп губернатор төлевилели хөй ажы-төлдүг, амыдырал-чуртталгазының байдалы берге кижилерге дыка дузалыг. Бо чылын база төлевилелге киржип, картофель үрезини хереглээн кижилерниң даңзызын тургузуп, чагыгны киирдивис – деп, Маадыр Самбың-оолович чугаалаан. – Социал үрезинни бээринде база шилилге бар болгай, алыксаан-на өг-бүле санынга бээри берге. Киирген чагыывыстың харыызын амгы үеде манап тур бис.
Коронавирус аарыгның үезинде бот-хоргадаашкынны дачаларга эрттирери кончуг эптиг. Дачаларга аарыгдан камгаланып тура, ногаа, кат-чимис аймаан тарып өстүрүп, бодунга ажыктыг ажылды кылып, ногаа аймаа-биле боттары хандыртынып, харын-даа мырыңай картофельди болгаш ногааны аъш-чемге курлавырлап ап болур-дур. Ажы-төлге база солун болгаш таарымчалыг боор. Кудумчуже үнмейн, дачага ойнап хүнзээр.
Коронавирус аарыгдан камгалалга дачаларның девискээри арыг боору база кончуг чугула. Ынчангаштың № 6 ниитилелинде участоктарда бокту аштап-арыглаарын организастаан. Дачаларның ээлери участоктарында бокту
аштааш, шоодайларга болгаш хааржактарга ургаш, кудумчуга үндүрүп каарга, машиналарга чүдүргеш, бок чыыр черже үндүр сөөртүп турар. Бо хүнге чедир 20 машина чүгү хире бокту үндүр сөөрткен.
Кызыл хоорайның дачаларлыг чурттакчылары! Коронавирустан дачаларга камгаланыңар, дачаларга ажылдаңар, дачаларга дыштаныңар!
Шаңгыр-оол Моңгуш
Авторнуң тырттырган чуруу
Ниитилелдиң баштаар чериниң даргазы Маадыр Оюннуң чугаазы-биле алырга, № 6 ниитилелде чер участоктарының ээлериниң хөй кезии картофельди чылдың чайын-на албан тарып өстүрүп турар.
– “Социал картофель” деп губернатор төлевилели хөй ажы-төлдүг, амыдырал-чуртталгазының байдалы берге кижилерге дыка дузалыг. Бо чылын база төлевилелге киржип, картофель үрезини хереглээн кижилерниң даңзызын тургузуп, чагыгны киирдивис – деп, Маадыр Самбың-оолович чугаалаан. – Социал үрезинни бээринде база шилилге бар болгай, алыксаан-на өг-бүле санынга бээри берге. Киирген чагыывыстың харыызын амгы үеде манап тур бис.
Коронавирус аарыгның үезинде бот-хоргадаашкынны дачаларга эрттирери кончуг эптиг. Дачаларга аарыгдан камгаланып тура, ногаа, кат-чимис аймаан тарып өстүрүп, бодунга ажыктыг ажылды кылып, ногаа аймаа-биле боттары хандыртынып, харын-даа мырыңай картофельди болгаш ногааны аъш-чемге курлавырлап ап болур-дур. Ажы-төлге база солун болгаш таарымчалыг боор. Кудумчуже үнмейн, дачага ойнап хүнзээр.
Коронавирус аарыгдан камгалалга дачаларның девискээри арыг боору база кончуг чугула. Ынчангаштың № 6 ниитилелинде участоктарда бокту аштап-арыглаарын организастаан. Дачаларның ээлери участоктарында бокту
аштааш, шоодайларга болгаш хааржактарга ургаш, кудумчуга үндүрүп каарга, машиналарга чүдүргеш, бок чыыр черже үндүр сөөртүп турар. Бо хүнге чедир 20 машина чүгү хире бокту үндүр сөөрткен.
Кызыл хоорайның дачаларлыг чурттакчылары! Коронавирустан дачаларга камгаланыңар, дачаларга ажылдаңар, дачаларга дыштаныңар!
Шаңгыр-оол Моңгуш
Авторнуң тырттырган чуруу
