Россияның Камгалал яамызының ортумак өөредилге албан черлериниң аразынга Кызылда президентиниң кадет училищезиниң доозукчуларының ЕГЭ-ниң түңнелдери эки көргүзүглерлиг болганын @tmgnews17 дыңнадып тур.
Эрткен өөредилге чылы-биле деңнээрге, чаңгыс аай күрүне шылгалдаларының аңгы-аңгы эртемнерге ортумак баллының өзүлдези илерээн. Чижээлээрге, кадет училищезиниң доозукчуларының даштыкы дылга ортумак баллы 89, химияга – 88, орус дылга – 84 балл. Чаңгыс болгаш элээн каш эртемнерге беш кадет 100 балл алган.
Кызылда президентиниң кадет училищези тургустунгаш 6 чыл дургузунда чүгле регионда эвес, республикадан дашкаар бодунуң ат-алдарын чаалап алган. Училищениң шупту доозукчуларының ылгалыр чүүлү – ханы болгаш янзы-бүрү талалыг билии, бедик культуразы болгаш чурумнуу. Эрткен чылын шупту доозукчузу дээди өөредилге черлеринче кирип алган, оларның 29-зу шериг талазынче орукту шилип алгаш, чуртуң шериг өөредилге черлериниң курстантылары болган.
Россияның Камгалал яамызының шупту ортумак өөредилге черлеринде ышкаш, Кызылда кадет училищезинде эртем аайы-биле быжыг билигни алырынга таарымчалыг байдалды тургускан. Кадет училищезиниң сургуулдары 4 аңгы эртемнер школазында өөренип турар – дыл, инженер-техниктиг, уран чүүл болгаш этика, чөөн чүк улустарының дайынчы мергежилдери. Чижээлээрге, училищениң сургуулдарының 80 хуузу ийи даштыкы дыл өөренип турар, а спортчу разряд алганнарның саны 218 кижи. Өөредилгениң мындыг аргазы бүгү-российжи болгаш армейжи олимпиадаларга тергиин эки түңнелдерни берип турар.
#Президентиниңкадетучилищези #Чедиишкиннер #Доозукчулар #Күрүнешылгалдалары #ТМГмедээлер #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews
Четыре бойца из Тувы приняли участие в первичном отбора программы «Время героев»
«Время героев» – это программа кадровой переподготовки для участников специальной военной операции.