Кызыл хоорайның Өг-бүлеге болгаш уругларга социал дуза чедирер төвүнде кадыкшылының байдалы-биле харык-шинээ кызыгаарлыг уруглар ажаап-тежээр түр үениң бөлүү ажыттынганын ТР-ниң Күш-ажыл яамызы дыңнаткан.
Ажыл-херектиг ада-ие уругларын төпке аппарып каап болур. Социал албан чериниң башкылары олар-биле кичээлдеп, оюннар ойнадып, чурулга, гимнастика дээш оон-даа өске бөлгүмнерже хаара тудар.
Харык-шинээ кызыгаарлыг уруглар азырап, кижизидип турар өг-бүлелерни деткиири-биле ук бөлүктү ажыткан.
Өг-бүлеге болгаш уругларга социал дуза чедирер төптүң адрези: Кызыл хоорай, Бай-Хаак кудумчузу, бажың 6.
