Сөөлгү чылдарда республиканың девискээринге бөрүлерниң саны көвүдээш, малчыннарның мал-маганын тудуп чип, элээн улуг когаралды чедирип турар апарган. Чижээлээрге, эрткен чылын бөрүлер Таңды кожууннуң мал одарларынга 120 хойну, 10 хире инекти болгаш 30 ажыг аътты чаза соп каапкан. Бойдус курлавырларының болгаш экология яамызының ажыл-чорудулгазының кол угланыышкыннарының бирээзи – бөрүлерниң санын мал ажыл-агыйынга когаралдыг болбас деңнелинге чедир эвээжедири.
Эрткен 2020 чылдың кыжында бөрүлерниң кокпаларынга истеп санааны-биле алырга, республиканың девискээринде 1500 хире бөрүлер бар. Олар мал ажыл-агыйларынга улуг когарал чедирбезин дээш, 3-4 чыл дургузунда чылдың-на 600-тен эвээш эвес бөрүлерни узуткаар ужурлуг. Ынчангаштың ол сорулга-биле республиканың кожууннарынга бөрү аглаар тускай чөпшээрелдиг аңчыларның 114 бригадаларын тургускан. Ол бригадаларда 707 аңчы бар. Бөрүлер аглаарынга мергежээн улуг арга-дуржулгалыг аңчы Иван Оюн республиканың кожууннарынга чедип, аңчыларга мастер-класстарны эрттирип турар.
2020 чылдың январь-ноябрь айларда республиканың девискээринге 331 бөрүлерни чок кылган. Амгы үеде аңчылар бөрүлерниң аглаашкынын уламчылап турар.
Таңды кожууннуң көдээ ажыл-агый эргелелиниң даргазы Шолбан Ондарның дыңнатканы-биле алырга, бөрүлер аглаар 5 бригаданы кожуунда тургускан, бригада бүрүзүнде 3 аңчы бар. Аңныыр сезонунуң эгезинден бээр үеде олар 21 бөрүлерни узуткаан.
Сүт-Хөл кожууннуң девискээринде бөрүлерниң саны элээн көвүдээш, малчыннарның мал-маганынче халдап, когаралды чедирип турар. Ынчангаштың бөрүлерның санын кызырар, олар малчыннарга когарал чедирбес байдалды тургузар дээш, тус черниң эрге-чагыргазы бөрүлер аглаарын организастап турар.
Эрткен неделяда Сүт-Хөлдүң аңчылары дүне бөрүлерни аглап аңнааннар. Өлең ховузунга бир улуг бөрүнү аңчы Кежик Ооржак адып, узуткаан. Мал-маганны камгалаар сорулга-биле кожууннуң аңчылары бөрүлерни аңнаарын уламчылаар.
#Бойдусяамызы #Малажыл_агыйы #Бөрүлер #ТМГмедээлер #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews
Эрткен 2020 чылдың кыжында бөрүлерниң кокпаларынга истеп санааны-биле алырга, республиканың девискээринде 1500 хире бөрүлер бар. Олар мал ажыл-агыйларынга улуг когарал чедирбезин дээш, 3-4 чыл дургузунда чылдың-на 600-тен эвээш эвес бөрүлерни узуткаар ужурлуг. Ынчангаштың ол сорулга-биле республиканың кожууннарынга бөрү аглаар тускай чөпшээрелдиг аңчыларның 114 бригадаларын тургускан. Ол бригадаларда 707 аңчы бар. Бөрүлер аглаарынга мергежээн улуг арга-дуржулгалыг аңчы Иван Оюн республиканың кожууннарынга чедип, аңчыларга мастер-класстарны эрттирип турар.
2020 чылдың январь-ноябрь айларда республиканың девискээринге 331 бөрүлерни чок кылган. Амгы үеде аңчылар бөрүлерниң аглаашкынын уламчылап турар.
Таңды кожууннуң көдээ ажыл-агый эргелелиниң даргазы Шолбан Ондарның дыңнатканы-биле алырга, бөрүлер аглаар 5 бригаданы кожуунда тургускан, бригада бүрүзүнде 3 аңчы бар. Аңныыр сезонунуң эгезинден бээр үеде олар 21 бөрүлерни узуткаан.
Сүт-Хөл кожууннуң девискээринде бөрүлерниң саны элээн көвүдээш, малчыннарның мал-маганынче халдап, когаралды чедирип турар. Ынчангаштың бөрүлерның санын кызырар, олар малчыннарга когарал чедирбес байдалды тургузар дээш, тус черниң эрге-чагыргазы бөрүлер аглаарын организастап турар.
Эрткен неделяда Сүт-Хөлдүң аңчылары дүне бөрүлерни аглап аңнааннар. Өлең ховузунга бир улуг бөрүнү аңчы Кежик Ооржак адып, узуткаан. Мал-маганны камгалаар сорулга-биле кожууннуң аңчылары бөрүлерни аңнаарын уламчылаар.
#Бойдусяамызы #Малажыл_агыйы #Бөрүлер #ТМГмедээлер #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews
