Бо хүнде республикада коронавирус халдавырлыг аарыглыг чаңгыс-даа кижи илереттинмээн, ынчалза-даа ооң чедип келир айыылы бар. Ынчангаш “Шивилиг, “Ак” хайгыылдарында база Кызылдың аэропортунда кээп турар кижи бүрүзүнүң температуразын хынап, анкетаны долдуруп турар.
Бөгүн, апрель 6-да, Тываның найысылалынче Москвадан келген 95 кижини шыңгы хыналдага алган.
Республиканың кол санитарлыг эмчизиниң доктаалы-биле Москва болгаш Санкт-Петербург хоорайлардан келген шупту пассажирлерни 14 календарлыг хүн дургузунда албан-биле амы-хуу аңгыланырын айыткан. Ол ышкаш, аэропортка кижилерден вирусту илередир анализтерни чорударын организастаар.
Келген кижилерниң чаңгызының-даа эъди изиг эвес болган, анализтериниң харыызы чоокку үеде билдинер. Кызылгортранстың дөрт автобузунга “москвачыларны” обсервация эртер черже үдеп чедирген.
Бо ийи хоорайлардан келген кижилерге немелде хемчеглерни киирген чылдагааны, Россияда коронавирустан аараан кижилерниң 80 хуузу Москва болгаш Санкт-Петербургта бооп турар.
Оваарнырының немелде хемчеглерин республикаже өске-даа транспорт-биле, ылаңгыя өске девискээрлерден кээп турар кижилер албан эртер ужурлуг. Олар амы-хуу аңгыланырының дүрүмнерин шыңгыы сагыыр ужурлуг, коронавирус илереттинген девискээрге турган хүнүн, келгениниң дугайында, харылзашкан кижилерин дээш өске-даа медээни 3-08-08 дугаарлыг “изиг шугумче” дыңнадыр.
www.tmgnews.ru Информагентство «ТуваМедиаГрупп»
Четыре бойца из Тувы приняли участие в первичном отбора программы «Время героев»
«Время героев» – это программа кадровой переподготовки для участников специальной военной операции.