Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Кызыл
10 декабря, сб
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Полицейжилер камгалаан

20 января 2021
19

Кончуг берге байдалдарга полицейжилерниң дузазын көрген, харын-даа мырыңай оларның камгалап кааны хамаатылардан өөрүп четтириишкинниң чагаалары иштики херектер органнарынга чедип кээри азы кижилер боттары өөрүп четтиргенин илередип кээри бол-ла болгулаар. А полицейжилер хамаатыларга чедирген дузазын албан-хүлээлгезин күүсеткени ол санап турар.

Россияның Тыва Республика талазы-биле иштики херектер сайыды полицияның генерал-майору Юрий Поляковтуң адынга Кунгуртуг суурнуң херээжен чурттакчыларындан оларны озал-ондактан камгалап каан муниципалдар аразының «Кызыл» килдизиниң Каа-Хем кожууннуң Сарыг-Сеп суурда № 6 салбырының полицейжилеринге өөрүп четтиргенин илереткен чагаазы келген.

Оваарымча чок чолаачының буруузу-биле кижилер кыштың соогунга орукка доңуп-дожап каап болур таварылга мынчаар болган. Машиназынга ийи бичии ажы-төл, сааттыг ие, назы четпээн ийи студентилер дээш ниитизи-биле чеди пассажирлер олуртуп алган чолаачы кыштың соок хүннериниң бирээзинде кадыр-берт оруктуг ырак-узак Кунгуртуг суурдан Кызыл хоорайже чорупкан. Каа-Хем кожууннуң Оюм деп черге машинаның бензини төнүп, мотору өшкен. Ооң чылдагааны – чолаачы бензинни орукка четчир кылдыр кудуп албааны. Бо шагда соталыг телефон харылзаа бары, ол харылзаа чедип болур черге машинаның бензинниң төнгени өршээл болган. Бир эвес харылзаа чок турган болза, чүү болур турганы билдинмес херек.

Черниң черинде дуза манап турар кижилер медээ кээри билек Сарыг-Сеп суурда № 6 салбырның полицейжилери майор Чаян Куулар, лейтенант Байыр Балган мотору өжүп каан машинага кудар бензинни савага курлавырлап кудуп алгаш, дуза херек кижилерже дүрген чорупканнар. Шак ынчаар полицейжилер Кунгуртугнуң чурттакчыларынга дузалап, албан-хүлээлгезин шалыпкын күүсеткеннер.

Оруктарга шимчээшкинниң айыыл чогунуң талазы-биле күрүне
инспекциязының ажылдакчылары полицейжилер бо чылдың январь 6-ның хүнүнде Р-257 «Енисей» автомобиль оруунга хайгыыл кылып чорааш, даштыкы марканың «Тойота Калдина» автомобильдиң чолаачызы машиназының моторун ажылдадып чадап турарын эскерип каан. Полицейжилер оларның-биле чугаалажырга, өг-бүле кижилерниң машиназы үрелип каан болган.

Полицияның улуг лейтенантызы Алексей Сат биле лейтенант Чиңгис Артаа орукка доңган кижилерни автопатрульдуң машиназынга чылыктыр олурткаш, Улуг-Хем кожууннуң чаңгыс аай диспетчер албан чери-биле харылзашкаш, үрелген автомобильди чүдүрүп чедирер тускай автотранспортту кыйгырткан. Өг-бүле кижилерниң дилээ-биле оларны машиназы-биле кады Хайыракан суурда төрелдеринге чедирип кааннар. Улуг дузазы дээш полиция ажылдакчыларынга өг-бүле өөрүп четтиргенин сеткилиниң ханызындан илереткен.

Иштики херектер органнарының ажылдакчылары полицейжилер озал-ондакка, айыыл-халапка таварышкан кижилерге дузалажырынга кезээде белен.