Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Кызыл
10 декабря, сб
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Салгалдан салгалче дамчыдып

1 февраля 2021
20

Үе-шаг эргилдези-биле холбаалыг тыва улустуң эрте-бурунгу национал байырлалы Шагаага белеткел Өвүр кожуунда чоруп турар. Шагааны уткуурунуң болгаш байырлап эрттирериниң ёзу-чаңчылдарын билир кижилер школаларга болгаш уруглар садтарынга мастер-класстарны эрттирип турар. Ол чүүл чаагай тыва чаңчылдарны салгалдан салгалче дамчыдарынга дыка ужур-дузалыг.

Шагаага канчаар белеткенириниң болгаш байырлап эрттирериниң мастер клазы “Дамырак” уруглар садынга болган. Уруглар садының хоочун ажылдакчызы, амгы үеде хүндүлүг дыштанылгада Роза Кумун-Доржу сүдүн чажып, “Курай-курай!” деп алганып, мастер класстың ажыктыг болурун, солун эртерин йөрээген.

Садиктиң эргелекчизи Алла Арат-оол үнүп келир инек чылын кижи бүрүзүнге кандыг болурун солун-сеткүүлдерде бижип кааны-биле тайылбырлаан. Шагааның бүдүү айында арыгланып, үнген-кирген чонунга хүндүткелдиг болуп, арага-дары ишпейн, тыва шимени безин ылаңгыя аныяктар амзавайн баар болза, кончуг эки деп уруглар садының кижизидикчи башкылары чугаалап турганнар.

Айбек Саая кымчыны баглаарын, Светлана Чымба алгы-кештен болгаш дүктен хептерни канчаар аргып, даараарын мастер-класска чыылганнарга тайылбырлап көргүскеннер.

Келин кыстың чажын канчаар ийи кылдыр өрүүрүн Зульфия Түлүш биле Надежда Чыпсын көргүзүп тургаш, алганып йөрээрегени дыка солун болган.

Тыва тоолдарның маадырларының дүрзүлерин аргып кылырынга Урана Моңгуш хандыкшылдыг. Бодунуң ажылдарын Урана көргүзүп, канчаар аргыырын тайылбырлаан.

Аржаана Кара-Сал биле Чойганмаа Ооржак олар стол кырынга делгээн быштак, куйга, тыва мүн, хаарган болгаш пиң далган, дүлген эът, чаглыг шөйүндүлер, сүттүг шай, бууза, боорзакты канчаар кылырын айтып берип тайылбырлааннар. Мастер-класстың киржикчилерин болгаш ону сонуургап келген аалчыларны ол аъш-чемнер-биле шайладып хүндүлээннер. Шагаа чеминиң амданының чаагайын олар магадап ханмаан.

Григорий Туматтың сыгыт-хөөмейи болгаш каргыраазы мастер-класстың эртип турарынга байырлал хөөнүн киирген.