Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Кызыл
01 декабря, чт
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

ТОС ДУГААР ААРЫГ КИЖИ ИЛЕРЭЭН

16 апреля 2020
7

Апрель 16-да ТР-ниң Чазак Даргазының бирги оралакчызы Александр Брокерт Тывада 9 кижи коронавирустан аарааны бадыткаттынган дээрзин журналистерге дыңнаткан. Бир-ле дугаарында Тожуга 6 кижи аараанын билир бис, оон Москвадан ужуп келген ийи авашкы, ам бо хүнде Москвадан поездиге келген аныяк херээжен кижиниң анализтери бадыткаттынган. Бо хүнде аарыы илереттинген кижилерни халдавырлыг аарыглар эмнелгезинде чыттырганын @tmgnews17 дыңнадып тур.

Бот камгаланыр чурумну чон эки сагывайн, кудумчуларда хөйү-биле чоруп, эпидемиологтуг байдалда деп чүүлдү ам-даа эки билбейн турар дээрзин Александр Брокерт демдеглээн. Чурттакчы чоннуң тоомча чогу, бот-боттарынга кам-хайыра чок хамаарылгазы шын эвес. Улуг айыыл чок ышкаш сагындырза-даа, байдал нарын деп чүүлдү билир болза эки. Удавас чоннуң ынак Пасха байырлалы, оон Төрелдер хүнү база кел чыдар. Ынчангаш ол хүннерде хөй кижи чыглыр массалыг хемчеглерни, правлосав хүрээ, найысылалдың хөөрүнче баарын кызыгаарлаан. Кандыг-даа чылдагаан чок, бот камгалал чурумун сагывайн, аай-дедир чоруп турар хамаатыларга торгаал онаар. Эпидемиологтуг байдал үезинде удур-дедир аалдажыр, ырак-узак чорук кылырын болдурбазын ол сагындырып чугаалаан.

Аарыгның эң-не немтерээри – чоннуң аай-дедир чорук кылыры. Ынчангаш бот камгаланыр чурумну күштелдирери-биле регионче кирер орук доскуулдарында, аэропортта эрттирилге ажылдарын улам шыңгыыраан. Келген улустуң эъдиниң температуразын хынаарындан аңгыда, тетстилерни эрттип турар. Аарыг илерээн хамаатыларның харылзаажып турган кижилерин илередип тывар ажылдап чоруп турар.

Россияда коронавирустан аараан кижилерниң чартык кезииниң аарыының даштыкы демдээ билдинмес. Эъди изивес, аарыы билдиртпейн турза-даа, инфекцияның эдилекчилери болганда, улуг айыылды тургузуп турар.

Ол ышкаш Чазак даргазының бирги оралакчызы ажыл чок арткан хамаатыларга деткимче көргүзер дугайында Президентиниң кыйгырыын база тайылбырлаан. Коронавирус үезинде ажыл чок арткан хамаатыларга чонну ажылга хаара тудар төптер таварыштыр 3 ай дургузунда 12,500 рубль пособиени бээри көрдүнген.

Чуруктарны Ада Тюлюш тырттырган.