Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Кызыл
01 декабря, чт
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Улуг Тиилелгеге тураскаадып...

16 апреля 2020
7

Тываның Чогаалчылар эвилелиниң баштаар чери Ада-чурттуң Улуг дайынынга Тиилелгениң 75 чылдаанынга тураскааткан литературлуг конкурсту бо чылдың эгезинде чарлаан. Чаа эгелеп чоруур аныяк авторлар болгаш уран сөстүң чажыттарын тыва берген хоочун чогаалчылар поэзия, проза болгаш драматургия жанрларнга боттарының чогаалдарын конкурска бараалгатканнар. 6 кижилиг жюри киирген ажылдарның деңнелин сайгарып, чымыштыг болгаш харыысалгалыг ажылын адакталдырып турар. Апрель айның төнчүзүнге чедир жюри түңнелдерни үндүргеш, оргкомитетке болур чогуур санал-оналдарын киирерлер.

- Тыва уран чогаалга, тыва дылга сонуургал сөөлгү үеде көскүзү-биле сулараан деп чөптүү-биле чугаалап, ажаанзыралывысты илередип турар-даа болзувусса, бистиң чанывыста чыдар национал респуликаларның аразындан байдалывыс мүн-не чүгээр – деп, Тываның Чогаалчылар эвилелиниң Баштаар чериниң даргазы Чылгычы Ондар демдеглеп турар. – Чылдың-на эрттирип турарывыс литературлуг конкурстар – ол бүгүнүң хнрнчилели ол. Киржикчилерниң саны база биеэги чылдардан эвээжевейн турар, ынчалза-даа чаа “үннерниң” немешпейн турары бисти шала дүвүредип, дилээшкин ажылдарын чорударынче албадап турар. Социал четкилерде литературага сундулуг кижилерниң, тыва дыл мөгейикчилериниң бөлүктеринден эң уран-талантылыг аныяктарны бүдүү демдеглеп, кичээнгеге ап турар бис – деп, Чылгычы Чимит-Доржуевич чугаалап турар.

Жанрлар аайы-биле эң дээре деп санаткан чогаалдаорны авторларын – конкурстуң тииилекчилерин шаңнап-мактаарынга көрдүнген акша-хөреңгини эрге-чагырга органнарының структуралары-биле дугуржуп ап турар бис. Бо удаада база олар дуза кадып, холун сунуп кээр дээрзинге бүзүрел улуг. Коронавирус-биле холбашкан карантин хемчеглери шаптыктай бербес чүве болза (а ындыг таварылгада хуусаалар бир-ийи ай бурунгаар чыла бээр хире), конкурстуң эрттирилгезиниң дугайында Дүрүмде бадылаттынган ажыл-хемчеглер көрдүнген план езугаар эртер.