RAEX рейтинг агентилели Россияның башкарыкчы дээди өөредилге черлеринче дужаап кирип алган доозукчуларының саны-биле 2022 чылда эки көргүзүглерлиг болган Тываның беш школазын адаан.
Кызылдың 15 дугаар лицейи, 5 дугаар гимназиязы, Тыва Республиканың күрүне лицейи, Кызылдың 1 дугаар школазы база Тываның республиканың лицей-интернады ол бештиң санынче кирген. Ол өөредилге черлериниң доозукчулары «Медицина», «Экономика база эргелеп-башкарылга» адырларда чижилгени тургузуп, 2020, 2021 (топ-50 база топ-100) база 2022 чылдарның рейтингизинде Россияның база Сибирь федералдыг округтуң эң дээре школаларының санынче киргени демдеглеттинген.
Оон аңгыда, ада-чурттуң техниктиг угланыышкынныг шыырак дээди өөредилге черлеринге абитуриентилерни белеткеп турар дээре дээн школалар санынче база кирген.
RAEX бо удаада, регионнарда база округтарда шыырактарның ийи бүгү-российжи рейтингизин, ол ышкаш дөрт темалыг рейтингини түңнээн. RAEX-тың тайылбыры-биле алырга, доозукчулар чижилгезиниң талазы-биле рейтингиде, Россияның эң дээре дээди өөредилге черлеринче доозукчулары чедиишкинниг дужаап алган школалар бар. Бо чылын рейтингиде туруштарның санын 100-ден 200 чедир көвүдеткен.
RAEX агентилел чижилге рейтингизи-биле чергелештир, башкарыкчы университеттерже хөй санныг абитуриентилерни белеткээн школалар даңзызын база тургускан. Ол даңзы доозукчу класстарның санын этпейн, школаларның шыырак абитуриентилерни белеткээринге киирген үлүүн көргүзүп тургузар.
Микрорайон Восток Кызыла на перепутье: За или против автозаправочной станции рядом с домами
В Кызыле состоялись публичные слушания по вопросам градостроительной деятельности.