Дүрген харылзаалыг мобильдиг интернетке коштунар ийи суур дээш онлайн-бадылаашкында республиканың чурттакчылары идепкейлиг киржип турар. 4G четкизиге кайы кожууннардан кайы сумулар коштунары – чурттакчыларның идепкейлиг бадылаанындан хамааржыр.
ТР-ниң Чурагайлыг хөгжүлде яамызының дыңнадып турары-биле алырга, төлевилелдиң негелделеринге Тере-Хөл кожууннуң Балыктыг, Тал сумулары, Эрзин кожууннуң Качык сумузу, Тожу кожууннуң Чазылары, Ырбан сумулары, Бии-Хемниң Хүт база Каа-Хем кожууннуң Үжеп-Аксы сумулары дүгжүп турар. Баш бурунгаар санаашкыннар-биле Балыктыг, Тал база Качык сумулары төлевилелдиң киржикчилери болуп болур.
Россияның Чурагайлыг хөгжүлде яамызы 2023 чылда дүрген харылзаалыг мобильдиг интернетти баштай киирер 100-ден 500 чурттакчылыг суурларны шилээн онлайн-бадылаашкынны Күрүне ачы-дузазының порталында эгелээнин сагындыраал. Бадылаашкынның түңнели-биле 4G четкизиге коштунар ийи суурну Тыва Республикада аңгылаан.
Дараазында айтыгга: gosuslugi.ru/inet бадылаашкынны эртер.
Чүгле Күрүне ачы-дузазының порталы таварыштыр эвес, а почта дамчыштыр база үннерин бээр арга бар. Чагаага ат-сывын, бүрүткеткен адрезин база Интернетти кайы суурже шөйерин айтыр. Чагааны Чурагайлыг хөгжүлде яамызының дараазында адрезинче чорудар: 123112, Москва хоорай, Пресненская наб., б.10, стр.2.
Россияның назы четкен шупту хамаатылары бадылаашкынга киржип болур. Ол регионда киир бижиткен кижи кайы-бир суур дээш бадылап болур. Чижээ, чоок кижилериңер, төрелдериңер чурттап турар суур дээш, үнүңер берип болур силер.
Онлайн-бадылаашкын ноябрь 12-ге чедир уламчылаар. А почта-биле чагааны ноябрь 26-га чедир хүлээр.
Микрорайон Восток Кызыла на перепутье: За или против автозаправочной станции рядом с домами
В Кызыле состоялись публичные слушания по вопросам градостроительной деятельности.