Сүт-Хөл кожууннуң Начын мөгези Николай Монгуштуң чырык адынга тураскааткан республика чергелиг 55 хардан өрү назылыг хоочун мөгелер хүрежи Ондар Кошкар-оол аттыг стадионга болуп эрткенин чагырга чери дыңнаткан.
Хүрешти үш чыл дургузунда Николай Натпитовичиниң ажы-төлү, дөргүл-төрели эрттирип турар. Хоочун мөгелер аразынга хүрештиң түңнелинде Сүт-Хөл кожууннуң Арзылан мөгези Амир Монгуш шүүлген. Үжүүрлешкен мөге – Улуг-Хем кожууннуң Чаан могези Сангак-оол Ооржак. Үшкү черге Арзылан мөге Владимир Монгуш төлептиг болган.
Маргылдаага киришкен хоочун мөге бүрүзүнге суй белек, шаңналдарны тыпсып, Начын мөге Николай Монгуштуң чоок кижилери база Сүт-Хөл кожууннуң удуртукчулары Андрей Хертек, Орлан Монгуш мөгелерге четтиргенин илереткеннер.
![Центр общественного наблюдения приступил к работе](https://thumbor.newswave.ru/9Ckxj5QHohjVneOmGKAuPhAcO_E=/870x474/https://tmgnews.ru/media/publications/5275148139/cover/tndel8vqhyzrqrzqld2happy0grmni389kgerz4fojte0p2wpxvzfeoolhskuui-u-ljqhk3cmj4d0q0nyt4mubu.jpg)
Центр общественного наблюдения приступил к работе
Сегодня в Туве в 08:00 открылись участковые избирательные участки. Как сообщает общественная палата РТ, открытие УИКов традиционно началось с звучания гимнов России и Тувы.