Бии-Хемде долу эвес мөөңнээшкинче кыйгырткан хамаатыларның өг-бүлелеринге ачы-дуза чедирилгези уламчылап турар.
Туранның адалар чөвүлелиниң төлээлези А. Ч. Дендип, каратэ талазы-биле тренер башкы Е. А. Шыырап болгаш хоорайның Ажык школазының өөреникчилери долу эвес мөөңнээшкинче кыйгырткан чаңгыс чер-чурттугларының ийи өг-бүлезиниң дилээ-биле оттулар ыяшты хирээлеп берген.
Ачы-дуза чедирилгезин чагыг езугаар хүлээп турарын Бии-Хем кожууннуң хөй-ниитижилер дыңнаткан.
