ТР-ниң Дээди Хуралының депутады Буян Донгак база Тываның Улустуң артизи Андрей Монгуш Тываның көдээ ажыл-агый техникумунуң сургуулдары-биле ужуражылганы эрттиргенин ТР-ниң Өөредилге яамызы дыңнаткан.
Ужуражылганың кол темазы – эр мөзү-бүдүш, төрээн чуртунга ынакшыл база эрес-дидим чорук. Аалчылар аныяк оолдарга боттарының амыдыралчы оруундан арга-дуржулгазын таныштырып, езулуг-ла лидер болгаш чуртунуң төлептиг хамаатылары болурунга чүү херегил деп айтырыгны сайгарып чугаалашканнар.
– Аныяктар аалчыларның үзел-бодалын аажок сонуургаан болгаш, оолдарның хей-аъдын көдүрген. Солун ужуражылга дээш четтиргенивисти илереттивис. Бо хемчег сургуулдарның хамааты туружун болгаш төлептиг кижи болуп хевирлеттинеринге ужур-дузалыг болганынга бүзүрээр бис – деп, техникумнуң башкылары демдеглээн.
В Туве стартует профилактическая акция «Безопасный лёд»
С 15 ноября 2026 года по 1 апреля 2027 года на территории Республики Тыва будет проводиться профилактическая акция «Безопасный лёд».


