Улуг Тиилелгениң 77 чылын демдеглээр ыдык байырлалдың бүдүүзүнде республиканың консультация-диагностика төвүнүң медицина ажылдакчылары Ада-чурттуң Улуг дайынының хоочуннарынга байырын чедирген.
Консультация-диагностика төвүнүң 24 дугаар участогунуң терапевт эмчизи Чойгана Ооржак биле эмчи сестразы Светлана Сат Ада-чурт дайынының хоочуну Георгий Васильевич Абросимовка аалдап чедип, чечектерни болгаш суй-белектерни тудускан.
Ада-чурт дайынының хоочуну Кирилл Иванович Марковтуң болгаш “Бүзээлеткен Ленинградтың чурттакчызы” деп хөрек демдээниң эдилекчизи Кызылдан Борис Борисович Подгорныйның бажыңнарынга төптүң 14 база 18 дугаар участогунуң эмчилери четкен.
Фронтучу-хоочуннар бүгү күжүн, аныяк назынын, кадыкшылын харамнанмайн, бистиң амгы үевис тайбың, амыдырал-чуртталгавыс эки болзун дээш дайызыннар-биле тулчуп турган эрес-дидим маадырларывыс-тыр. Бис оларга черге чедир мөгеер ужурлуг бис.
Владислав Ховалыг: «В этот день мы чтим память тех, кто первым принял на себя удар вероломного врага»
Сегодня, 22 июня, на Площади Победы в Кызыле прошла традиционная акция «Свеча памяти», приуроченная ко Дню памяти и скорби, в которой приняли участие члены правительства Тувы, Верховного Хурала, сотр…