Сүт-Хөл ко¬жууннуң Алдан-Маадыр сумузунга Ада-өгбелерниң чырыткылыг адынга тураскааткан үш оюн – аът чарыжын, ча адар маргылдааны, 18 харга чедир мөгелер хүрежин бедик деңнелге эрттиргенин чагырга чери дыңнаткан.
Ча адар оюнга ниитизи-биле 76 часпас адыгжы киришкен. Бирги черге Чаа-Хөлден Данзат Самдан, ийиги черге ол-ла кожуундан Аяс Монгуш, үшкү черге Каа-Хем кожуундан Александр Сагалаков олар төлептиг болган. Эң бичии адыгжы – бешки классчы Чингис Монгуш.
18 харга чедир оолдар аразынга хүрешке бирге черде Сүт-Хөлден Субудай Насык-Доржу, ийиги-үшкү черлерде Эрзинден Максим Ооржак биле Аржаан Сандак. “Чараш арга” шаңналга Даваа-Начын Куулар (Кызыл) төлептиг болган.
Аныяк чоруктуг аъттар: Андрей Хертек (Сүт-Хөл), Аяна Монгуш (Ишкин), Дарыма Кажыкай (Бии-Хем).
Чоруктуг чаваалар чарыжынга баштайгы үш байзаны Андрей Хертектиң (Сүт-Хөл), Аңчы Донгактың (Ишкин), Батыр Кажыкайның (Бии-Хем) малдары тус-тузунда алган.
Аныяк чүгүрүк аъттар: Кежик Монгуш (Ийме), Начын Сат (Чөөн-Хемчик кожуун, Хайыракан), Эрес Эртине (Улуг-Хем).
Улуг чыраа аъттар чарыжынга Айдыс Салчактың (Сукпак), Аңчы Монгуштуң (Хөндергей), Алдын Ондарның (Чөөн-Хемчик кожуун, Хайыракан) аъттары эрткен.
Улуг чоруктуг аъттар: Вадим Салчак (Улуг-Хем), Аржаан Салчак (Сукпак), Сүлдем Сотпа (Чеди-Хөл, Ак-Тал).
Улуг чүгүрүк аъттар чарыжынга баштайгы үш байзаны Сылдыс Анай-оолдуң (Улуг-Хем, Торгалыг), Айдыс Домбааның (Улуг-Хем, Торгалыг), Амир Монгуштуң (Сүт-Хөл) малдары тус-тузунда алган.
Тиилекчилерге акша шаңналы болгаш өртектиг белектерни тывыскан.
