Россияның Онза байдалдар яамызының Тывада Кол эргелелиниң база ТР-ниң Хамааты камгалал болгаш онза байдалдар херектериниң талазы-биле албанының ажылдакчылары Улуг-Хемниң эрик шугумун дургаар рейдилерни доктаамал чорудуп турар.
Суг объектилеринге чоннуң айыыл чок чоруун хандырар талазы-биле ажылды чорудуп, улуг кичээнгейни салып турза-даа, айыыл-халап улуг-биче кижилерни амы-тынындан чарып аппаар таварылгалар бар. Эштир сезон эгезинден тура сугга чеди уруг дүжүп, амы-тынындан чарылган. Ооң кол чылдагааны – назы четпээн уругларның улуг улус хайгааралы чокка эштип турганы.
Улустуң суг объектилеринге айыыл чок чоруун хандырар сорулга-биле, эрик кыдыынга эзиртир суксуннар ижери хоруглуг, улуг кижилерниң хайгааралы чокка назы четпээн уругларның эрикке турарын болдурбас.
Уруг-дарыының сугга ойнаарын болгаш эштирин карак салбайн хайгаараарын ада-иелерге база катап сагындырып каары артык эвес. Оларны доктаамал хайгааравас болза, айыыл-халап карак чивеш аразында болуп болурун утпазы чугула.
Биче хемчээлдиг хемелерни ажыглап турда, шупту пассажирлер камгалал жилеттерлиг, хемеге камгалал дээрбектерлиг болурун сагындырып каалы. Хемежи кижи хемени башкарарып чорааш, айыыл чок чоруктуң техниказын сагыыр ужурлуг.
Микрорайон Восток Кызыла на перепутье: За или против автозаправочной станции рядом с домами
В Кызыле состоялись публичные слушания по вопросам градостроительной деятельности.