Бии-Хем кожууннуң девискээринде черлик конопляны узуткап чок кылырының талазы-биле ажылдар чоруп турар.
Кожууннуң чагырга чери арат тараачын ажыл-агыйының баштыңы М.Д. Серен-биле керээни чарган. Ол “Тывага наркотиктерни хоойлу-дүрүмге чөрүштүр сайгарылгазынга удур туржулга” күрүне программазының күүселдези езугаар чыдыг чашпанны узуткап кезериниң талазы-биле ажылдарны чоруп эгелээн.
РФ-тиң Административтиг корум-чурум үрээшкиннериниң дугайында кодекизиниң 10.5 чүүлүнге дүүштүр төлээлеткен органның албан ёзузу-биле айтыышкынының соонда чер ээзи азы чер ажыглакчызы наркотиктиг азы психотроптуг, чок-ла болза оларга дөмей шынарлыг болгаш дээштиг бүдүмелдерни сиңирген черлик үнүштерни узуткаарының талазы-биле хемчеглерни албааны дээш административтиг торгаалга онаары көрдүнгенин сагындыраал.
