ТР-ниң Дээди Хуралының Даргазы Каң-оол Даваа Наадымның эң шыырак мөгелеринге байырын чедирген.
– Тываның Россияның составынга эки тура-биле каттыжып киргениниң 80 чыл оюнуң бүдүүзүнде эртип турар Наадымның хүрежи биске аажок солун салыгларны бараалгатты.
Республикавыстың шыырак мөгелериниң ачыр-дачыр хүрежиниң түңнелинде Айдың Монгуш шүглүп үнгеш, Чаан мөге деп хүндүлүг атты чаалап алды!
Үжүүрде Тыва Республиканың Чаан мөгези Сайын-Белек Тюлюш. Үшкү-дөрткү черлерни Хартыга мɵгевис Кайгал-оол Ондар биле Тыва Республиканың чаа Хартыга мɵгези Соруктуг Калин-оол алганнар.
Наадымывыстың, ооң иштинде бөгүнгү хүреш маргылдаазы бедик деңнелге эртип турарын база демдеглеп каалы. Наадым байырлалын таварыштыр силер бүгүдеге база катап кадыкшылды, аас-кежикти болгаш чедиишкиннерни күзедим!
