Чайгы дыштанылга эгелээни-биле, улуг улустуң мурнунда кол сорулга – ажы-төлдүң дыштанылга үезинде айыыл чок чоруун хандырары.
Каа-Хем кожууннуң назы четпээннер херектериниң талазы-биле болгаш оларның эрге-ажыын камгалаар комиссияның болгаш харагалзал килдизиниң төлээлери уругларның суг-хөөлбектерге айыыл чок чоруун хандырар сорулга-биле, хем кыдыы черлерниң девискээрлерин хынап, доктаамал рейдилерже үнүп турар.
Үнүүшкүн үезинде, улуг улустуң хайгаарылы чоока, хем кыдыынга ойнап, эштип турган уруглар-биле чугааны чорудуруп, оларны бажыңнарынче чандырган.
Уруг-дарыының сугга ойнаарын болгаш эштирин карак салбайн хайгаараарын ада-иелерге база катап сагындырып каары артык эвес. Оларны доктаамал хайгааравас болза, айыыл-халап карак чивеш аразында болуп болурун утпазы чугула.
В Туве отмечается рост интереса выпускников к инженерным и техническим направлениям
В Министерстве образования Республики Тыва напоминают, что до завершения основного периода Единого государственного экзамена (ЕГЭ) осталось несколько дней.