Чаа-Суур сумузунга Өвүр, Тес-Хем, Эрзин кожууннарның девискээр чергелиг хол бөмбүү болуп эрткенин Өвүр кожуннуң чагырга чери дыңнаткан.
Хол бөмбүүнге ниитизи-биле 12 команда киришкен. Команда бүрүзү шыырак оюнун болгаш чараш аргаларын көргүскен.
Маргылдааның түңнелдери: бирги чер – Ак-Чыраа (15000 рубль, дириг хой), ийиги чер – Чаа-Суур (12000 рубль, дириг хой), үшкү чер – Дус-Даг (10000 рубль, дириг хой).
«Эң-не эки халдакчы» деп атка Болат Арбын, «Эң-не эки көдүрүкчү» деп атка Ай-Херел Монгуш, «Эң-не эки камгалакчы» деп атка Аржаан Тюлюш олар төлептиг болганнар.
Дараазында маргылдааны эрттирери-биле Дус-Дагның командазынга шилчип чоруур кубокту хүлээткен.
