Барыын-Хемчик кожууннуң Эрги-Барлык сумузундан ат-сураглыг тараажы Амыр Кара-Сал хүндүлүг дыштанылгаже үнген-даа болза, арбай, кызыл-тас, сула, хөй чылдыг сиген, картофель болгаш ногаа аймаан тарыырын уламчылавышаан хевээр. Ол ышкаш дузалал ажыл-агыйында бода болгаш шээр малды, хаваннарны тудуп турар.
Амыр Конгаровичиниң тракторист-механизатор мергежилди чедип алгаш, Барыын-Хемчик кожууннуң «Большевик» колхозунга трактористеп, ажылчын базымнарын эгелээн.
Арга-дуржулгалыг арат 1992 чылдан бо хүннерге чедир тараачын арат ажыл-агыйының баштыңы болуп турар. Кара-Салдар сумунуң үлегерлиг өг-бүлелериниң бирээзи. Олар алды ажы-төлүн төлептиг кижизидип өстүрген.
Күш-ажылдың хоочунунуң хөй чылдар дургузунда ак сеткилдиг, үре-түңнелдиг ажыл-херээ бедии-биле үнелеттинген. 1975 чылдың амы-хуунуң социал чарыштың түңнелдери-биле аңаа «Эң дээре тракторист» деп атты тывыскан. 1982 чылда көдээ ажыл-агый адырынга үре-түңнелдиг ажылы дээш, Амыр Конгарович Москвада Улусчу ажыл-агый чедиишкиннериниң делгелгезинге четкен. 1991 чылда тараажы «Тыва АССР-ниң көдээ ажыл-агыйының алдарлыг механизатору» деп хүндүлүг атка төлептиг болган.
Тараажы часкы хову ажылдарынга белеткенип, майның байырлалдар хүннерин ажыктыг эрттирер деп турар.
Тываның көдээ ажыл-агый бүдүрүкчүлери бо чылын тарылга шөлдерин 120 хууга улгаттырар. Тараажылар 56 гектар черни тарыырын планнап турар. Республиканың чер ажылдыглары чаа шөлдерни болбаазыратканы дээш федералдыг субсидияже кордап болур. Россияның Чазаа чурттуң аграр сектор деткиири-биле он млрд рубльди үндүрүп турар. Тарылга кампаниязының планын чаа байдалга таарыштыр тургускан болгаш аъш-чем чедишпезиниң айтырыы турбас.
Сайыр-Даш Середар: «Очень благодарны Президенту, что сделали проект «Время героев»
«Время героев» - программа развития для участников специальной военной операции.