Бии-Хем кожууннуң Туран хоорайга “Алдын согун” деп төлевилелдиң күскү ээлчээ болуп эрткенин Тыва үндезин культура төвү дыңнаткан.
Ниитизи-биле "Тыва ча адар оюн: баг адар хевиринге" 33 багжы киришкен. Оларның аразындан шылгарап үнген сес тиилекчи: бирги черде Кежик Успун (Бай-Тайга); ийиги черде Сылдыс Монгуш (Чөөн-Хемчик); үшкү черде Арсен Монгуш (Чөөн-Хемчик); дөрткү черде Айдың Хомушку (Бай-Тайга); бешки черде Аяс Монгуш (Чаа-Хөл); алдыгы черде Кежик Ондар (Сүт-Хөл); чедиги черде Маны Кызыл (Сүт-Хөл); сески черде Олег Чанчып (Улуг-Хем).
Бии-Хем кожууннуң чагырга чери өгбелерден дамчып келген эр кижиниң үш адаан мөөрейлиг оюнунуң бирээзи – тыва ча адар оюнну деткип, мергеннерге үнелиг шаңналдарны тывыскан.
Дараазында “Алдын согунну” Чеди-Хөл кожуун эрттирер кылдыр хүлээп алган.
