«Ойна» алдын тывыш артели чыл санында хөй ажы-төлдүг өг-бүлелерниң уругларынга Чаа чылдың белектерин садып берип турар.
Алдын тывыш артели Каа-Хем кожууннуң Сарыг-Сеп суурнуң чагырга черинге 200 ажыг чигирзиг белекти хөй ажы-төлдүг өг-бүлелерниң болгаш тускай шериг операциязында киржип турар дайынчыларның уругларынга тыпсып бээри-биле дамчытканын чагырга чери дыңнаткан.
Чаа чылдың белектериниң чамдыызын уругларга тывыскан, артканын чагырга чери хуулгаазын хүнге чедир дамчыдар.
Алдынчылар Сарыг-Сеп сумузунуң чарлаан ачы-буян акцияларының доктаамал деткикчилери. Олар сарыг-сепчилерниң амыдырал-чуртталгазының байдалын экижидеринге үлүг-хуузун киирип турарын чагырга чери онзалап демдеглээн.
