Каа-Хем кожууннуң Ильинка суурнуң ортумак школазының башкызы Алексей Даржаа 30 ажыг чылдың дургузунда информатика болгаш технология кичээлдерин эрттирип турар.
Тываның өөредилге сайыды Алексей Храмцов Ильинка суурже ажылчын сургакчылаашкынының үезинде кайгамчык болгаш солун кижи, хөй санныг уругларның база доозукчуларның Башкызы Алексей Арбычыгаевич-биле танышкан.
Чугаа үезинде информатика башкызы школага ажылдап эгелээниниң, технология кичээлинге оолдар-биле ажыл-агыйга ажыктыг херекселдер кылып турарының база чурагайлыг өөредилге хүрээлеңин шиңгээдип кииргени-биле өөредилгениң технологиязы канчаар өскерли бергениниң дугайында таныштырган.
– Мергежилинге ханы бердинген болгаш өзүп орар салгалдың кижизидилге айтырыгларынга сеткилинден сагыш аарып турар онза кижи-биле таныжып алганымга өөрүүр-дүр мен. Тываның кожуун бүрүзүнде өөредилге черлеринге чедип, коллективтер-биле ужурашкаш, бистиң школаларда шак мындыг башкылар ажылдап турар дээрзинге чоргаарланыр-дыр мен – деп, Алексей Храмцов демдеглээн.
Алексей Даржаа Тываның өөредилге адырында 30 ажыг чыл ажылдап чоруур. Бодунуң ажыл-ижинге бердинген күш-ажылдың кижизи, башкы болгаш, ооң сорук кириишкининиң, чогаадыкчы чоруунуң база мергежилдииниң ачызында Ильинка суурнуң школазының өөреникчилери технология биле информатика кичээлдеринче күзелдии-биле барып турар. Ол өөредилге-кижизидилге чорудуун, школаның материал-техниктиг баазазын быжыглаарынче база сайзырадырынче үлүүг киирген.
Информатика болгаш технология башкызы школазынга капитал септелге эгелээринге өөрүп турарын, ол ышкаш өөредилге адырында ниити хөгжүлде көдээ школаларга идиг болуру чугаажок дээрзин демдеглээн.
Улуг-Хемский район готовится принимать детей республики в рамках летней оздоровительной кампании
В Туве продолжается подготовка к детской летней оздоровительной кампании. Например, в лагере «Чорудаа» Улуг-Хемского района начался ремонт.