Тывада ажы-төлдү кижизидер, сайзырадыр база өөредир айтырыглар талазы-биле ада-иелерниң психологтуг-педагогиктиг билиглерин бедидеринге бүгү байдалдарны тургускан консультация төптерин ажыткан.
Ак-Довурак хоорайда «Сказка» база Кызылда «Салгал» уруглар садтарының баазазында ол төптер ажылын эгелээн. Специалистер уруглар ойнаар булуңнуг, тускай дериттинген өрээлдерде консультацияларны эрттирип турар.
Ачы-дузаны боттарының киржилгези, азы ырактан, чок болза үнүүшкүннүг кылдыр чорудуп болур. Ук хемчегни федералдыг база регион деткимчези-биле организастаар.
Кызылдың солагай талакы дачалар ниитилелиниң девискээринге ындыг төптү ажылдадыры чугула. Солагай талакы дачаларда 14586 кижи чурттап турар, оларның 5559-зу – 18 хар чедир назылыг уруглар. Ам аныяк ада-иелер ажы-төлү-биле хамаарылгаларын шын тургузуп, боттарының билиглерин бедидеринге профессионал психолог-педагогтуг, методиктиг база консультативтиг дузаны алыры белен апарган.
«Салгал» уруглар сады “Тываның психологтар ассоциациязы” регионалдыг хөй-ниити организациязы база солагай талакы дачаларда “Идегелдиң эрии” девискээр хөй-ниити бот-башкарылгазы-биле кады сырый ажылдап турар. Бо чылдың эгезинден бээр үш муң ажыг кижи консультантыларның ачы-дузазын алган.
Полпред: «Туризм – перспективная отрасль экономики Сибири»
В спортивно-туристическом комплексе «Шерегеш» в Кемеровской области 23 ноября пройдет ежегодный фестиваль открытия зимнего горнолыжного сезона.