Тываныӊ күрүне университединде ажыттынган «Арбай-Хоор» чайгы школага Национал школа хөгжүдер институттуӊ ажылдакчызы Азияна Саая аалдап келгенин институт дыңнаткан. Ол уругларга тыва улустуӊ оюну – кажык-биле ойнаарыныӊ өөредиглиг кичээлин эрттирген.
Уруглар кажыктың аът чарыштырар хевирин идепкейлиг ойнааннар. Тыва улустуӊ оюнунга 14 уруг киришкен.
Кажык – тыва чоннуң шаандан тура ойнаар, солун, чараш оюннарының бирээзи. Ада-өгбелеривистен дамчып келген кажык оюну бичии салгалдарны кижизидеринге, оларның угаан-медерелин, холунуң шимчээшкинин сайзырадырынга ужур-дузалыг.
Эрткен чылын чайгы школага болган хемчегге өөренип турган уруглар бар болганы демдеглексенчиг. Сөөлгү үеде ажы-төлдүң тыва оюннарга сонуургалы оттуп турар.
«Арбай-Хоор» чайгы школаныӊ удуртукчу башкызы Шеңне Азыраа уругларныӊ төрээн (тыва) чугаазын сайзырадырынга тыва улустуӊ оюннары улуг ужур-дузалыын демдеглээн.
