Тываның Арга-арыг яамызы арга-арыг өрттериниң талазы-биле медээни онза байдалдар комиссиязының хуралынга дыңнаткан.
Июнь 12-ниң эртенги үезинде 15 арга-арыг болгаш хову өрттери демдеглеттинген. Ооң бирээзи – Убса-Нур ыйгылаажы камгалалдыг черниң девискээринде. Ында 386 гектарны шыва алган өрт өжүртүнген.
Беш кожуунда – Кызыл, Бии-Хем, Тес-Хем, Тожу база Каа-Хем девискээринде өрттер хып турар. Чөөн-Хемчик, Сүт-Хөл база Тожу кожууннарда 39 гектар черде дөрт өрттү өжүрген.
Тожу база Каа-Хем кожууннарда 81 гектар черде ийи өрттү өжүрген. Ол ышкаш дөрт черде өрттерни төндүр өжүрери планнаттынган. Чагган чаъстар өрттерни өжүреринге идиглиг болганын демдеглээн.
Тываның студентилери буддийжи университеттерде
Дээди өөредилге черлериниң студентилери буддизмниң философиязын, медициназын болгаш сарыг шажын уран чурулгазын өөренип турар.