Кызыл хоорай биле кыдыг-кызыгаар Өвүр кожууннуң төвү Хандагайты аразынга пассажирлер аргыштырар рейс ажыттынганы өвүржүлерге таарымчалыг байдалды тургускан.
Амгы үеде билетти чүгле чолаачылардан садып ап болурун Өвүрнүң чагырга чери дыңнаткан. Күскү дыштанылга үезинде уругларын эдерткен улус хөйү-биле аргыжып турган.
– Орук ара суурларга дүжер чорук улус амырадывыс. Бис үргүлчү Хөндергей, Чадан, Хандагайты аразынга аргыжылгада чоруп турар бис. Ада-ием чурту Хөндергей, Хандагайтыда келин болуп чурттап чоруур мен. Ажы-төлүм бо дыштаныр хонуктарда Хөндергейде. Ам оларны алыр үе келген. Чаа рейс ажыттынганынга өөрүвес аргажок. Узун орук чоруурунга таарымчалыг амгы үениӊ автобузу магалыг-дыр – деп, Сайзана Монгуш өөрүшкүзү-биле үлешкен.
ТР-ниң Орук-транспорт яамызының дыңнадып турары-биле алырга, Кызылдан Хандагайтыже үнер 202 дугаарлыг маршрут 300 киломнтр орукче неделяның үш хүнүнде – вторникте, четверте база улуг-хүннерде үнер. Орук өртээ 400-тен 500 рубль болур.
Найысылалче среда, пятница база понедельник дедир үнер. Кожууннар аразынга аразынга пассажирлер аргыштырылгазын организастаары-биле Тываның Чазааның детимчези-биле 39 олуттуг "Yutong" маркалыг автобустарны сатканын сатканын сагындыраалы.
