Чадаананың куш-культура болгаш кадыкшылга комплекизинге Армияның төп спорт клувунуң кубогу дээш спортчу хүрештиң маргылдаазы болуп эрткенин чагырга чери дыңнаткан.
Байырлалдың ажыдыышкынынга РФ-тиң Камгалал яамызының Самара хоорайда Армияның төп спортчу клувунуң салбырының даргазы Роман Махонин киришкен.
Маргылдааны Чадаанага спорт комплекизиниң ажыттынганынын бээр 10 чылынга тураскааткан. Тываның муниципалдыг тургузугларының девискээринде 10 спорт школазының командаларын төлээлээн 2011-2012 чылдарда төрүттүнген мөгелер хевиске ачыр-дачыр тудушкан.
Чадаананың күш-культура болгаш кадыкшылга төвүнге ажылдап турганнарны, спорттуң тергииннерин демдеглеп, шаңналдары тывыскан.
