Тываның орук албан черлери оруктарны хардан аштап, тайгыр черлерде элезин-сайны төп, ажылдап турар. «Тываавтоорук» күрүнениң казна албан чери ийи муң ажыг километр орук участогунда ажылдап, арт кыры черлерге чоруурунга таарымчалыг байдалды тургускан.
Улуг арттарда оруктар таарымчалыг дээрзин орукчулар дыңнаткан. Орук техниказы чамдык черлерниң харын болгаш хөртүктерин үстүрүп, арыглаан. Дараазында участоктарда орук ажылдары чоруттунган:
- Барыын-Хемчик кожуунда «Чолалыг» арт кыры;
- Барыын-Хемчик кожуунда «Көдүрер-Даш» арт;
- «Хандагайты – Мугур-Аксы» автоорукта «Калчан» арт;
- Өвүр кожуунда «Тээли» арт;
- Чеди-Хөл кожуунда «Соңгу» арт;
- Тес-Хем кожуунда «Калдак-Хамар» арт;
- «Хандагайты – Мугур-Аксы» автоорукта «Чолдак-Орук» арт;
- «Абакан – Ак-Довурак» автоорукта «Чүс дугаар» арт;
- Тожу кожуунда «102 км» арт.
«Копту-Аксы – Тоора-Хем» оруктуң 71-ги, 75-ки база 111-ги километринде чайындылаан, илчирбе чок болгаш чайгы дугуйлуг чорууру хоруглуг.
«Бүрен-Аксы – Элегес-Аксы – Кунгуртуг» кышкы оруктуң байдалы эки.
«Бельбей» (10 тонна), «Эйлиг-Хем» (5 тонна) база Бүрен-Аксы (20 тонна)» дош кежиглеп доктааттынган чүъктүг эртип болур.
Тываның Орук-транспорт яамызы бо чоокку хонуктарда республиканың чамдык черлеринге хар чаап, соорун баш бурунгаар дыңнаткан. Соңгу-барыын чүктен хаттың дүргени секундада 15-18 метр чедир күштелип, даглыг черлерге 23 метр чедип, шуурганнаар, оруктарга дожаңнаар.
Орукка машина үрелип, онза байдалдар тургустунуп келзе, «Тываавтоорук» күрүнениң казна албан чериниң диспетчер албанында 89293580911 дугаарлыг телефон-биле харылзажып болур.
«Енисей» федералдыг автоорук талазы-биле дыңнадыгны «Енисей орук эргелели» федералдыг казна албан чериниң дараазында телефонунче дыңнадыг: 8(391)265-01-129, +79632521160.
