Россияда чарлаттынган Өг-бүле болгаш Тывада Кадыкшыл чылынга тураскааткан тыва ча адар оюннуң баг адар хевиринге “Адыгжы өг-бүле бис” деп суму чергелиг маргылдааны Арыскан сумунуң Төлээлекчилер хуралының депутаттары эрттиргенин суму баштыңы А. Савыр дыңнаткан.
Маргылдаага ниитизи-биле тос өг-бүле киришкен. Чидиг демиселдиң түңнелинде: бирги черге Доктугуларның, ийиги черге Савырларның, үшкү черге Бадынамнарның, дөртккү черге Савыйларның, бешки черге Санчай-оолдарның өг-бүлези төлептиг болган.
Төлээлекчилер хуралының даргазы өг-бүлелерге база ча, согуннар-биле дузазын көргүскен чаңгыс чер чурттуглары Алдын Доктугу, Мусалим Кыргыс, Эрес Бадынам оларга четтиргенин илереткен.
