Бии-Хем кожууннуң Аржаан сумузунуң чурттакчылары Шагаа уткуштур тускай шериг операциязының киржикчилеринге ачы-дуза чыылдазында идепкейлиг киржип турар.
Тиилелгени чоокшулаштырар дээш школаның, "Аленушка" уруглар садының, көдээ культура бажының, чагырга чериниң коллективтери, депутаттар, сайгарлыкчылар, көдээ ишчилер, хоочуннар, энерел сеткилдиг аржаанчылар ай санында-ла чыглып, буянныг үүле-херекте демнии-биле киржип турар. «Шөлээлээш, дедир фронтуже чоруур дээн дайынчы чаңгыс чер чурттугларывысты база шаавыс-биле аъткарып турар бис» – деп чагырга чериниң даргазы Екатерина Тулуш дыңнаткан.
Бичии болгаш элээди аржаанчылар "Солдатка чагаа" деп акцияга киржип, дайынчы акыларынга чоргааралын илередип, чаагай күзээшкиннерлиг чагааларны бижээн.
«Энелер» хоочуннар чөвүлелинге удурткан эки турачылар штавы тура дүшпейн, чажыртынып шыптынар четкилерни кылып турар. Февраль 15-ке чедир оңгуга ажыглаар лааларны кылып дооскаш, дужаар.
Аржаанчылар республикадан тускай шериг операциязында киржип турар дайынчыларга шериг албан-хүлээлгезин төлептиг күүсеткеш, онча-менди аал-оранынче чанып кээрин күзеп турар.
