Бии-Хем кожууннуң Аржаан сумузундан Айлана Калбак биле Чечена Маады социал керээге үндезилээн күрүне деткимчезиниң ачызында “амданныг” бүдүрүлгелерни ажыдып алган.
Ажыл-биле бот-хандыртынган херээжен сайгарлыкчыларның дыңнадып турары-биле алырга, байырлал хүннеринде чагыглар каш катап көвүдей бээр. Олар чагыдып алыкчының күзели-биле торттарны болгаш кондитер кылыгларын чогаадыкчы каастап турар.
Беш ажы-төлдүң авазы Чечена Маады бичиизинден тура хууда бизнестиг болур күзелдиг турган. Күрүне деткимчезиниң ачызында ол чаңгыс чер чурттугларын амданныг хлеб, булочка, кондитер кылыглары-биле өөртүр дээш, ынак ажыл-херээн ажыткан.
«Аржаан» кондитер кылыглар цегиниң ээзи Айлана Калбак торт быжырарының аргаларын көргүзүп, мастер-класстарны доктаамал эрттирип турар.
“Амданныг” бүдүрүлгелерниң ээлери көдээ ажыл-агый ярмаркаларының идепкейлиг киржикчилери.
