Бии-Хем кожууннуң Аржаан сумузунда социал объектилерниң кышка беленин кожууннуң комиссиязы хынап көргенин чагырга чериниң даргазы Екатерина Тулуш дыңнаткан.
– Сумуда школа, уруглар сады, культура бажыңы, фельдшер-акушер пунктузу бар. Оран-саваларның, одалга системазынын септелгезин, иштики-даштыкы ажылдарны чоруткан. Комиссияның шиитпири езугаар ук объектилерниң кышка белениниң паспорттарын удавас алыр бис.
Чаа өөредилге чылында школага 129 уруг өөренир. Бирги классче чеди чаш бижиткен. Доозукчуларывыс шупту ортумак болгаш дээди өөредилге черлеринче чедиишкинниг кирип алганнар.
Школаның чемненилге чери бүрүнү-биле дериттинген, 7-11 харлыг өөреникчи бүрүзүн ийи катап чемгерери көрдүнген. Школаның ном саңы өөредилге номнары-биле 90 хуу хандырттынган.
«Аленушка» уруглары сады база чаштарны хүлээп алырынга белен.
