Тываның Арзылаң мөгези Айдың Монгушка тураскааткан «Арзылаңның найыры» байырлалда республиканың шыырак дээн 73 мөгелериниң хүрежи кончуг солун эрткен. Ачыр-дачыр хүрештиң түңнелинде Чаан-мөге Сайын-Белек Түлүш (Тес-Хем) шүглүп үнген,Начын-мөге Начын-Мерген Ооржак үжүүрлешкен.
Хартыга-мөге Айдаш Саң-Хөө (Эрзин) биле Начын-мөге Кежик Ооржак К (Чөөн-Хемчик) 3-4-кү черлерни үлешкеннер. Омак Ооржак, Субудай Шойдун ,Март-оол Доржукай Март-оол, Алангы Караа 5-тен 8-ке чедир шаңналдыг черже киргеннер. Шаңналдыг чер алган мөгелерни аът, бода мал, шээр малдар-биле шаңнаан.
Улуг-Хем солуну
