Бии-Хем кожууннуң Аржаан сумузунда ажы-төлдүң эргелери, айыыл чок чоруу дээш профилактиктиг ажылдар доктаамал чоруттунуп турарын чагырга чери дыңнаткан.
Школаның башкылары болгаш ада-иелер кежээки хайгыылды чорудуп, «комендант шактың» күүселдезин хынап, ажы-төлдүң айыыл чок чоруунче онза кичээнгейни угландырып турар.
– «Комендант шак» үезинде уруг-дарыгның хостуг болурун кызыгаарлаар дээш эвес, а назы четпээннер орай кежээ ада-иезиниң хайгааралынга турзун дээш тургусканын билир бис.
Ада-иелерге (хоойлу езугаар төлээлерге) ажы-төлүн улуг кичээнгейге ап, хайгааралын кошкатпазы чугула дээрзин сагындырдывыс – деп, чагырга чериниң даргазы Екатерина Тулуш демдеглээн.
Профилактика субъектилери: башкылар, чагырга чериниң, культура ажылчыннары, ада-ие хайгыылы, хоочуннар, адалар чөвүлелдери, депутаттар, сумунуң эки турачы улусчу дружиназы полицияның ажылдакчылары сырый харылзаалыг ажылдап турарлар.
Ол ышкаш корум-чурум, арагалаашкын-биле демиселди күштелдирип, хоойлуга удур арага аймаан садар чорукту узуткаары-биле садыгларны кезип, хынаан.
Он сес харга чедир уругларның хоойлу езугаар төлээлериниң үделгези чокка, октябрь 1-ден апрель 30-ге чедир үеде 21.00 шактан 07.00 шакка чедир, май 1-ден сентябрь 30-ге чедир үеде 22.00 шактан 06.00 шакка чедир дүнеки үеде турарын чөпшээревес дээрзин сагындыраал.
Знамя эскадрона тувинских добровольцев передано Тандинскому району
Накануне, 5 апреля, на мосту реки через Элегест вблизи с. Чал-Кежиг Чеди-Хольского района прошла церемония передачи знамени тувинских добровольцев от Чеди-Хольского района Тандинскому.