Ажыл-чорудулганы күштелдиреринче тодаргай даалгаларны берген

Харагалзал болгаш ажаалда-тежээлде килдизиниң ажылын күштелдирер талазы-биле хурал болуп эрткенин ТР-ниң Өөредилге яамызы дыңнаткан.

Яамыга ада-иезиниң азыралы чок арткан уругларның дугайында күрүнениң медээ банкызын, а ол ышкаш харагалзал болгаш ажаалда-тежээлде килдизиниң тускай мергежилдиглериниң мергежил стандартызын чорудар айтырыглар талазы-биле ук килдизиниң организастааны чугула хурал болуп эрткен. Хуралга муниципалдыг тургузугларның харагалзал болгаш ажаалда-тежээлде килдистериниң тускай мергежилдиглери киришкен.

Хуралдың эң-не кол темаларының бирээзи – ада-иезиниң азыралы чок арткан уругларның дугайында күрүнениң медээ банкызын чорудар ажылды күштелдирериниң эргежок чугулазы. Шак бо механизм ада-иези чок арткан уругларга уруг азырап алыр дээн өг-бүлелерни, азыракчыларны тыварынга ажылды үре-түңнелдиг организастаарынга дузалыг. Ол ышкаш ук ажылды хайгаараары-биле көскү болгаш хыналдада кылдыр болдурар. Тускай мергежилдиглер бо айтырыг талазы-биле янзы-бүрү талаларын медээ банкызынче медээлерни киирер үнелел барымдааларны, ооң тургузуун база ажылдың чогуур херекселдерин киирбишаан, сайгарып чугаалашкан.

Харагалзал болгаш ажаалда-тежээлде килдизиниң тускай мергежилдиглериниң мергежил стандартызын сайгарып көрген. Сайгарылга үезинде назы четпээн уругларның эргелерин болгаш сонуургалдарын камгалаары-биле ажылды чорудуп турарларның мергежил белеткелин база квалификациязының деңнелин эң-не бедии-биле хандырар ук стандартты тодарадыр болгаш чедир ажылдап кылыр талазы-биле саналдарны дыңнап сайгарган.

Хуралдың түңнелдери-биле харагалзал болгаш ажаалда-тежээлде килдизиниң айыттынган угланыышкыннар-биле ажыл-чорудулганы күштелдиреринче тодаргай даалгаларны берген.

Ада-иезиниң азыралы чок арткан уругларның дугайында регионалдыг банк дараазында адресте хүлээп турар: Кызыл хоорай, Ленин кудумчузу, 39, кабинет 200, тел.: 8(39422)3-00-27.

Өскүс уругларның дугайында тургустунган медээни федералдыг медээ банкызындан usynovite.ru көрүп болур.