Бүдүү хүнү – эрги чылдың эң сөөлгү хүнү. Бурун ай санаашкыны-биле бүдүү дүнезинде ай үнмес, езулуг-ла “аът кулаа көзүлбес” апаар. Бо хүн хирлиг ажыл кылбас аажы-чаңны холга тудар.
Бүдүү кежээзинде “чүк үндүрер” деп айырымчы езулал эртер. “Чүк үндүрер” дээрге кижиниң ол чылда чогумчалыг чүгүнче ис баштап каарын ынча дээр. Чүк үндүргеш келген кижини ак чем-биле уткуур.
“Өг карактадыр” деп езулал база бар. Ооң утказы: өгнү азы бажыңны кандыг-бир дом-биле камгаладыры. Оларны (чижээ, тенниг хараганны, кызыл сөөскенни, артышты) өгнүң азы бажыңның эжиинге (бозагазынга) азып каар.
Тываның студентилери буддийжи университеттерде
Дээди өөредилге черлериниң студентилери буддизмниң философиязын, медициназын болгаш сарыг шажын уран чурулгазын өөренип турар.