Тоора-Хемниң Леонид Чадамба аттыг ортумак школазының өөреникчилери болгаш идепкейжилери тускай шериг операциязында кирижип турар маадырларга ачы-дуза көргүзер дээш үлүг-хуузун киирип турарлар.
Бо удаада «Келир үеже көвүрүг» эки турачылар отряды, 6 «а» класстың школачылары клазының башкызы Г.Т. Балажик-биле дайынчыларга ажыглаарынга эптиг лааларны кылганын школа дыңнаткан.
Ол ышкаш тускай шериг операциязында киржип турар дайынчының авазы, өөредилге адырының хоочуну А.В. Карталыкованың хериминиң иштинде харны аштап арыглап, оттулар ыяжын чарып бергеннер. Энениң оглу тускай шериг операциязы эгелээнинден тура мурнуку одуругда чаныш-сыныш чок албан-хүлээлгезин күүседип турар.
