Тускай шериг опреациязының девискээринче кышкы ачы-дуза чыылдазы декабрь 10-га чедир уламчылаар. Буянныг үүлеге киржиксээн Тываның чурттакчылары аңаа ам-даа киржип болур.
Фронтуже посылканы Улусчу фронтунуң регионалдыг күүсекчи комитединиң бо адрезинче: Тыва эки турачылар кудумчузу, 3 («Норзин» Садыг төвү) азы Ленин кудумчузунда 5 дугаар бажыңда, ТывКУ-да «Кады бис» деп эки турачылар штавынга дамчыдып болур. Харылзажыр телефону: 2-10-50.
Тываның Чазаа «Бүгү чүүлдү тиилелгеже!» федералдыг төлевилелдиң кышкы ачы-дуза чыылдазын удуртуп турар. Муниципалитеттерниң хөй кезии бо хүнге чедир тускай шериг операциязының девискээринче чорудар чүъгүн хүлээткен. Кызыл, Таңды, Мөңгүн-Тайга, Тере-Хөл, Тес-Хем, Бай-Тайга, Барыын-Хемчик, Чөөн-Хемчик, Сүт-Хөл, Каа-Хем, Улуг-Хем, Чаа-Хөл, Чеди-Хөл, Өвүр, Эрзин, Бии-Хем кожууннар болгаш Ак-Довурак хоорай ачы-дуза чүъгүн дамчыткан.
